«Авасто», дар миқёси Ҷумҳурии Тоҷикистон нахустин нашриёти хусусист, ки моҳи июли соли 1992 дар шаҳри Истаравшани вилояти Суғд аз ҷониби шаҳрванд Ориёфар Толиб Сангинзода таъсис гардидааст. Мақоми марказии он аз соли 1994 (баъди дар Вазорати фарҳанги Ҷумҳурии Тоҷикистон ба қайди давлатӣ гирифта шудани оинномаи А.) дар шаҳри Душанбе ҷойгир аст.
«Авасто» баъди ба истиқлоли давлатӣ расидани Ҷумҳурии Тоҷикистон вазифаи пуриқтидортарин нашриёти Иттиҳоди Шўравӣ «Политиздат»-ро иҷро мекунад ва дар инъикоси мукаммал ва воқеии ҳаёти сиёсӣ, иқтисодӣ, иҷтимоӣ ва фарҳангии Тоҷикистони соҳибистиқлол собитқадам буда, аз пайи таблиғи сиёсати дохилӣ ва хориҷии Ҷумҳурии Тоҷикистон мебошад. «Авасто» бо забонҳои тоҷикӣ, русӣ ва ўзбекӣ адабиёти сиёсӣ, ҳуқуқӣ, бадеӣ, таълимӣ ва илмӣ-оммавиро нашр мекунад.
Номгўи як қатор китобҳои нашриёти «Авасто», ки ба инъикоси сиёсати давлат бахшида шудаанд: «Эмомалӣ Раҳмонов: Ман ба шумо сулҳ меоварам!»; «Эмомалӣ Раҳмонов: Ҷиноятро бояд решакан кунем»; «Эмомалӣ Раҳмонов – таъминкунандаи сулҳу ваҳдат ва дўстию рафоқати мардуми Тоҷикистон» (бо забони тоҷикӣ); «Эмомалӣ Раҳмонов: Ваҳдат, сулҳ ва бунёдкорӣ мароми мост!» (бо забонҳои тоҷикӣ ва русӣ); «Внешняя политика Президента Рахмонова» («Сиёсати хориҷии Президент Раҳмонов»); «Межгосударственные отношения Республики Таджикистан в двустороннем формате» («Муносибатҳои дуҷонибаи байнидавлатии Ҷумҳурии Тоҷикистон»); «Таджикистан – надёжный партнёр в международных отношениях» («Тоҷикистон – шарики боэътимод дар муносибатҳои байналмилалӣ»); «Политика открытых дверей» («Сиёсати дарҳои боз»); «Внешняя политика Таджикистана в условиях глобализации» («Сиёсати хориҷии Тоҷикистон дар шароити ҳамгироӣ»); «Таджикистан на пороге тысячелетий: реализация национальных интересов на международной арене» («Тоҷикистон дар остонаи ҳазорсолаҳо: Татбиқи амалии манфиатҳои миллӣ дар арсаи байналмилалӣ»); «Внешняя политика Республики Таджикистан на современном этапе» («Сиёсати хориҷии Тоҷикистон дар марҳалаи муосир») (бо забони русӣ); «Келишув сари йўл. Эмомали Раҳмон – инсон ва сиёсий арбоб» («Роҳи ваҳдат. Эмомалӣ Раҳмон – инсон ва арбоби сиёсӣ», бо забони ўзбекӣ).
Номгўи як қатор китобҳои таълимӣ ва илмӣ-оммавии нашриёт «Авасто» «Дастур оид ба маърифати ҳуқуқии занон» (бо забонҳои тоҷикӣ ва русӣ); «Дастури таълимии таҷрибаомўзии сайёҳӣ»; «Маҷмўи қонунҳои конститутсионӣ, қонунҳо ва дигар санадҳои меъёрии ҳуқуқии Ҷумҳурии Тоҷикистон оид ба сохтори давлатӣ ва худидораи маҳаллӣ»; «Академик Ниёзмуҳаммадов Бобоҷон Ниёзович»; «Жанрҳои журналистикаи телевизион»; «Лаҳзаҳои зиндагӣ»; «Нишоне аз пайроҳаи умр»; «Ҳикмати авлиё»; «Офаришини охирин».